Kombëtarja shqiptare është mbështetur nga tifozët kuqezi edhe në miqësoren me Bullgarinë.
Të shumtë kanë qenë tifozët e pranishëm në “Air Albania”, të cilët kanë shpalosur edhe banderola me mesazhe speciale për djemtë e Silvinjos.
Bie në sy një banderolë, mjaft interesante, ku shkruhet “Kur je mirë, të dojn tan”.
Po ashtu, një banderolë në mbështetje të Kosovës është shpalosur në ndeshjen Shqipëri-Bullgari, në të cilën shkruhet “Afrim Bunjaku, hero i kombit”, në nder të policit, i cili humbi jetën gjatë sulmit në veri të Kosovës nga terroristët serbë më 24 Shtator
Edhë në këtë ndeshje miqësore, kuqezinjtë duket se nuk do të zhgënjejnë tifozët, pasi kanë shënuar golin e parë me autor Qazim Laçin.
Me këtë rezultat pozitiv është mbyllur edhe pjesa e parë e ndeshjes, ndërsa pritet që lojtarët e drejtuar nga strategu Silvinjo të vazhdojnë të dhurojnë spektakël dhe gola edhe në pjesën e dytë.
Discussion about this post