Endri Shabani i Nismës Thurrje tha në studion e “Open” se SPAK po reformon politikën shqiptare. Shabani e ka cilësuar si një veprim të guximshëm vendimin e SPAK për të nisur hetimet ndaj ish-Kryeministrit Sali Berisha, duke u shprehur se Prokuroria e Posaçme duhet të mbështetet.
“SPAK po reformon politikën nga tre personazhet që kanë marrë peng politikën në 32 vjet. SPAK po përpiqet të çlirojë politikën, por edhe ekonominë, nga treshja Berisha-Meta-Rama që kanë marrë peng politikën”, tha Shabani.
Sipas tij, SPAK nuk ka pse ti kërkojë autorizim Kuvendit në rastin e ish-Kryeministrit Sali Berisha, pasi ndaj tij nuk është vendosur as masa e arrestit me burg dhe as arresti i shtëpisë. Në këtë kuadër, Shabani tha se Berishës nuk i janë hequr të drejtat, por ka një kufizim të drejtash.
“Çfarë po kërkohet sot, i kërkohet ndihmë Edi Ramës? Kush është në Kuvend, Edi Rama dhe deputetët e tij, atëherë çfarë shpresohet që ata të ndihmojnë Berishën dhe ti thonë SPAK nuk do të hetojë?”, tha Shabani.
Discussion about this post