Inter luan mbrëmjen e sotme përballë Frozinones për sfidën në Seria A, ndërsa Kristjan Asllani nuk do të aktivizohet për zikaltrit.
Pak minuta para fillimit të takimit, klubi zikaltër ka bërë të ditur se mesfushori i kuqezinjve nuk do të ishte në dispozicion të trajnerit Simone Inzagi për këtë sfidë.
Sipas klubit zikaltër, futbollisti ka një shqetësim në muskujt e kofshës së djathtë, ndaj është lënë pushim për takimin e sotëm.
Asllani është një nga lojtarët e grumbulluar nga trajneri i kuqezinjve Sylvinho për dy sfidat e mbetura për kualifikueset Euro2024, ajo ndaj Moldavisë më 17 nëntor dhe Ishujve Faroe në 20 nëntor.
Shpresojmë që mesfushori që aktivizohet me Inter në Seria A të mos ketë probleme serioze që mund ta pengonin të luante me kombëtaren.
Discussion about this post