Belind Këlliçi, ish-deputet i PD-së, ka publikuar një seri dokumentesh të reja lidhur me inceneratorin e Tiranës, për të cilin një ditë më parë SPAK firmosi 15 urdhër-arreste, mes të cilëve ndodhen edhe emrat e dy drejtorëve të Bashkisë së Tiranës.
Në një postim në rrjet, Këlliçi shkruan se nëse SPAK mendon se do e mbyllë dosjen e inceneratorit të Tiranës me arrestimin e dy punonjësve të Bashkisë, e kanë shumë gabim.
“Më poshtë gjeni dokumentat dhe provat e reja, me firmën e vetë zyrtarëve të shtetit, që faktojnë se është pikërisht Erion Veliaj dhe Bashkia Tiranë, arsyeja se përse qindra milionat e eurove në landfillin e Sharrës thjesht po vidhen”, shkruan Këlliçi.
Në vijim ai thekson se SPAK ka për detyrë të mos fshihet pas gishtit.
“Firmat e Erion Veliajt në aferën e inceneratorit të Tiranës janë flagrante dhe fakte të pamohueshme.
Përgjegjësit dhe përfituesit realë të skemës mafioze me inceneratorin e Tiranës duhet të shkojnë aty ku e meritojnë”, shkruan Këlliçi, duke publikuar edhe dokumentet e mëposhtme.
Discussion about this post