Një komitet i Kongresit të SHBA tha se po heton akuzat për plagjiaturë kundër presidentes së Harvardit, Claudine Gay.
Komiteti për Arsimin dhe Forcën e Punës, i kryesuar nga republikanja Virginia Foxx, ka thënë se planifikon të zgjerojë shqyrtimin e veprimeve të Gay-t në lidhje me antisemitizmin në Harvard.
Fox tha se hetimi do të fokusohet nëse studentët dhe stafi mbahen sipas të njëjtave standarde akademike. Në një letër drejtuar kreut të bordit të besuar të Harvardit, Fox theksoi se institucioni mund të jetë duke shkelur besimin e publikut.
Ndërkohë bordi i besuar i universitetit tha javën e kaluar se kishte shqyrtuar të dhënat akademike të Gay dhe kishte gjetur “raste të atribuimit joadekuat të burimeve”, por se ajo nuk kishte kryer ndonjë sjellje të keqe në lidhje me hetimin.
Letra e Fox-it kërkon që Harvardi të dorëzojë të gjitha dokumentet në lidhje me hetimin për plagjiaturën e Gay-t, si dhe një listë të të gjitha masave disiplinore akademike të marra që nga viti 2019 kundër fakultetit ose studentëve të Harvardit.
Bordit i kërkohet t’i përgjigjet komitetit deri më 29 dhjetor, raporton BBC.
CNN dhe konservatorja Washington Free Beacon zbuluan një sërë plagjiaturësh, të tilla si në disertacionin e saj të vitit 1997, në të cilën ajo dyshohet se kopjoi një paragraf të tërë pothuajse fjalë për fjalë nga një punim i botuar një vit më parë. Free Beacon tha se ka zbuluar të paktën 29 raste të plagjiaturës.
Shumë kërkuan dorëheqjen e Gay për dëshminë e saj gjatë një seance dëgjimore në Kongres. Ajo dhe drejtues të tjerë universiteti janë akuzuar për hipokrizi kur diskutojnë përpjekjet për të frenuar antisemitizmin në mes të luftës Izrael-Gaza.
Discussion about this post