Rusia: Planet për të blerë raketa balistike nga Irani!

Rusia planifikon të blejë raketa balistike nga Irani, shkruan sot gazeta amerikane Wall Street Journal, duke cituar zyrtarë amerikanë.

Një blerje e tillë pritet të rrisë aftësinë e Moskës për të synuar infrastrukturën ukrainase.

Informacioni është një tjetër tregues se Rusia dhe Irani po konvergojnë. Vitin e kaluar, Shtëpia e Bardhë tha se shihte më shumë shenja se Rusia dhe Irani po zgjeronin një partneritet të paprecedentë të mbrojtjes që mund të ndihmonte Moskën të zgjaste luftën e saj në Ukrainë, si dhe të përbënte një kërcënim për fqinjët e Iranit.