U dhunua nga babai, ndërron jetë vajza 2-vjeçare

Një ngjarje e rëndë raportohet të ketë ndodhur në Maqedoninë e Veriut, ku një vajzë e mitur, vetëm 2-vjeçe, humbi tragjikisht jetën pasi kishte 22 ditë e shtruar në klinikën e Shkupit.

Lajmin e ka bërë të ditur Policia në RMV, sipas të cilës e mitura dyshohet se u dhunua fizikisht nga babai i saj, i cili u arrestua nga policia.

Sipas raportimeve, i dyshuar është një 30-vjeçar, ndërkohë që po vijojnë hetimet për zbardhjen e plotë të ngjarjes.

Njoftimi:

F.D. (30), dyshohet se më 18.12.2023 në shtëpinë e familjes në Kërçovë i ka shkaktuar lëndime të rënda trupore vajzës së tij dy vjeçare, e cila është dërguar për trajtim mjekësor në Spitalin e Përgjithshëm në Kërçovë, e më pas në Qendrën Klinike në Shkup ku, më 08.01.2024, ka ndërruar jetë.