Të shtëna me armë, plagoset 14-vjeçari/ Detajet

Një 14-vjeçar ka mbetur i plagosur pas të shtënave me armë zjarri. Ngjarja raportohet të ketë ndodhur në fshatin Rugovë të Pejës.

Mediat në Kosovë raportojnë, duke iu referuar burimeve nga Urgjenca në Qendrën Klinike Universitare të Kosovës, se 14-vjeçari është dërguar atje për ndihmë mjekësore, pasi kishte plagë që dyshohet t’i jetë shkaktuar nga arma e zjarrit.

Ekipi mjekësor ka ndërhyrë menjëherë duke i dhënë ndihmën e nevojshme mjekësore, ndërkohë që lidhur me rastin është njoftuar edhe Policia e Kosovës.

Një njësi policore ka shkuar në vendin e ngjarjes dhe ka nisur hetimet për zbardhjen e rrethanave të rastit.

Me urdhër të prokurorit, rasti është cilësuar ‘Mbajtje në pronësi, kontroll ose posedim të paautorizuar të armëve’.