Vizita e Sekretarit amerikan të Shtetit në Tiranë dhe mesazhet që ai përcolli një ditë më parë nga kryeqyteti shqiptar vijojnë të prodhojnë reagime nga politika dhe personazhe të ndryshëm, përfshi edhe analistët apo ekspertët.
Nga studio e Euronews Albania, Kreshnik Osmani, ekspert i çështjeve ndërkombëtare, u shpreh se një nga arsyet e vizitës së sekretarit amerikan të Shtetit, Anthony Blinken në Tiranë, është se do të hapet në vendin tonë një tjetër zyrë e rëndësishme, me 30 agjentë amerikanë që do të hetojnë krimin e korrupsionin në nivelet më të larta.
Madje Osmani tha se kjo zyrë do të hetojë edhe korrupsionin Europian dhe do të jetë më e rëndësishmja në Europë.
“Ka edhe një lajm që e kam ruajtur për ju. Burime që kam preferuar të mos u përmendet emri, njoftojnë se një nga arsyet e Blinken në Tiranë është se këtu do të hapet një zyrë tjetër e rëndësishme, që do të ketë 30 agjentë amerikanë që do të merren me hetimin e korrupsionit më të lartë shtetëror.
Do të jetë e veçantë. Do hetojnë krimin e korrupsionin në në nivelet më të larta, do të ketë dimension më të madh sesa Shqipëria dhe do të jetë zyra më e rëndësishme në Europë. Nuk e di nëse mbivendos SPAK, në dukje ashtu duket. Pavarësisht se ata kanë marrë mbështetjen e Blinken, amerikanët kanë vendosur të kenë një zyrë tjetër”, tha Osmani.
Discussion about this post