Gjykata e Lartë rrëzoi kërkesën e SPAK, që kërkonte kthimin në burg të dhëndrit të ish-kryeministrit Berisha, Jamarbër Malltezi.
SPAK bëri rekurs ndaj vendimit të Apelit të GJKKO, e cila vendosi lirimin e Malltezit nga qelia dhe vendosjen e masës së sigurisë “arrest shtëpie” ndaj tij. SPAK kërkonte rikthimin e Malltezit në burg, gjë që u refuzua nga Gjykata e Lartë.
Ndërkohë që Gjykata e Lartë nuk ka pranuar as rekursin e ish-Kryeministrit Sali Berisha që kërkonte rrëzimin e masave të para të sigurisë së vendosura nga GJKKO, ato “detyrim paraqitje” dhe “ndalim të daljes jashtë vendit”. Faktikisht këto dy masa sigurie të vendosura më parë nga SPAK ndaj ish-Kryeministrit u zhvlerësuan pasi në 30 dhjetor, GJKKO vendosi “arrest shtëpie” për ish-Kryeministrin, vendim që u la në fuqi edhe nga Apeli i Gjykatës Speciale.
Lidhur me masën e re të sigurisë ndaj ish-Kryeministrit, pra atë të “arrestit të shtëpisë”, Gjykata e Lartë nuk ka caktuar një datë se kur mund ta marrë në shqyrtim.
Discussion about this post