Vodhi makinën në Durrës, arrestohet në Shkodër 37-vjeçari

Një 37-vjeçar është prangosur në Shkodër për veprën penale të vjedhjes. Nga verifikimet rezultoi se ai ishte në kërkim nga Policia e Durrësit për vjedhje.

Makina tip “Ford”, që drejtonte i arrestuari ishte në pronësi të një 70-vjeçari, që jetonte në lagjen “10 Korriku” në Durrës.

Policia thotë se 37-vjeçari u kap duke kryer manovra të rrezikshme me automjetin, të cilin e kishte vjedhur në Durrës.

Njoftimi i policisë:

Kreu manovra të rrezikshme, me automjetin që sapo kishte vjedhur, arrestohet 37-vjeçari.

Nga verifikimet rezultoi se ai ishte në kërkim nga Policia e Durrësit, gjithashtu për vjedhje.

Patrulla e Përgjithshme e Komisariatit të Policisë Shkodër, sapo është njoftuar se shtetasit I. D., 70 vjeç, i kishin vjedhur automjetin tip “Ford”, në lagjen “10 Korriku”, ka organizuar punën për identifikimin dhe kapjen e autorit/ëve.

Si rezultat, u vu në pranga shtetasi R. Sh., 37 vjeç. Ai u kap në flagrancë teksa kryente manovra të rrezikshme, me automjetin e vjedhur. Nga verifikimet e mëtejshme rezultoi se 37-vjeçari ishte shpallur në kërkim nga Komisariati i Policisë Durrës, për veprën penale “Vjedhja”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Shkodër.