Sot ishte një konferencë shumë e veçantë për shtyp për Luis Enrique. Trajnerit të PSG-së iu desh të përballej me pyetjet e gazetarëve disa ditë pas eliminimit të hidhur në Champions League dhe një ditë pas njoftimit të largimit të Kylian Mbappe: “I yni është një sport kaq kompleks saqë skuadrat që kanë lojtarët më të mirë nuk i fitojnë të gjitha ndeshjet. Ne e dimë këtë prej disa kohësh, nuk e ndryshon pamjen e përgjithshme”.
“Të gjitha vendimet e mia u morën në bazë të asaj që mendoja se ishte më e mira për ekipin. Ka ende një titull për të fituar, ky është qëllimi ynë: pavarësisht lojtarëve, ne do të jemi më të fortë sezonin e ardhshëm”.
“Mund të them vetëm gjëra pozitive për Mbappen dhe vëllain e tij. E kuptoj vendimin e tij, ai kaloi 7 vite këtu, është një legjendë e klubit. Ai ka dhënë gjithçka për PSG-në dhe nuk ka thënë ende se ku do të shkojë, edhe nëse është e qartë. Është një lider, i uroj më të mirat. Unë i jap atij notën 10 si person dhe 10 si futbollist”.
Discussion about this post