43-vjeçari Gerald Shehu, tashmë është arrestuar në Korfuz të Greqisë dhe vënë nën akuzë për “vrasje me paramendim”.
Pas vrasjes së 31-vjeçarit në dhomën ku ai akomodohej, autori dyshohet të jetë ndihmuar nga dy punonjës të tjerë të hotelit, konkretisht Daniel Qose dhe David Larti.
Ata dyshohet se kanë marrë pjesë në mbështjelljen e kufomës me qese plehrash pas vrasjes dhe më pas e kanë transportuar atë drejt makinës tip Audi.
Me këtë të fundit ka lëvizur autori i dyshuar në drejtim të Sarandës, ku më pas ka braktisur mjetin në një parkim në afërsi të portit, vend ku u gjet nga policia.
Ndërkohë deklarimet e dy punonjësve të hotelit, ata kanë rrëfyer se janë detyruar nga pronari i tyre për t’i ndihmuar me largimin e kufomës.
Për zbardhjen e plotë të ngjarjes policia po verifikon disa pista hetimore, teksa është në pritje të dorëzimit të autorit të dyshuar nga autoritetet greke.
Discussion about this post