Matura Shtetërore/ Publikohen notat e provimit të parë

Maturantët mund të njihen me rezultatet e provimit të parë të Maturës Shtetërore – atë të gjuhës së huaj.

Përmes një postimi në rrjetin social Facebook, Ministria e Arsimit ka vënë në dispozicion likun ku mund të shihen rezultatet nga maturantët.

Të gjithë maturantët që kanë dhënë këtë provim mund të kontrollojnë rezultatet e tyre online në linkun e mëposhtëm:

https://qsha.gov.al/…/06/Publikimi-i-Rezultateve-D3.pdf

Testi i gjuhës së huaj u zhvillua më 3 Qershor. Ashtu si vitet paraardhëse, teksa maturantët testoheshin, në rrjetet sociale u publikuan tezat e provimeve.

E njëjta problematikë u shënua edhe në testin e dytë – atë të Gjuhës Shqipe dhe Letërsisë.

Të dhënat zyrtare nga Ministria e Arsimit treguan edhe rënien e numrit të maturantëve gjatë kësaj dekade. Sipas shifrave, numri i maturantëve gjatë 10 viteve të fundit ka pësuar rënie me 34%. Në vitin 2014, në provimet e maturës morën pjesë 42,318 nxënës, ndërsa këtë vit, rreth 28 mijë maturantë, 14 mijë më pak ose -34%.