Në GjKKO bëhet sot vlerësimi i masave të sigurisë për të arrestuarit në kuadër të operacionit ‘Plumbi i artë 2” që zbuloi dhe aktivitetin e organizatës kriminale të vëllezërve Çopja në Elbasan.
Gjykata e Posaçme ka vendosur vijimin e masës arrest në shtëpi për ish-gjyqtaren e Elbasanit, Pajtime Fetahu, e cila u paraqit rreth orës 09:30. Gjyqtarja është prekur në sallën e gjyqit ku në lot ka pretenduar se nuk ka patur dijeni për çfarë e akuzojnë. Për sekretaren e saj, Denada Toda, GJKKO la në në fuqi masën e ndalimit te daljes jashtë vendit.
Ndërkohë, seanca për ish-gjyqtaren e akuzuar për korrupsion u zhvillua e veçuar nga 11 personat e tjerë, për të cilët është ekzekutuar masa e sigurisë në kuadër të vijimit te operacionit plumbi i artë. Pas daljes nga seanca ish-gjyqtarja u shpreh se s’ka asgjë për të thënë. Ndaj ish gjyqtares rëndon akuza ‘Veprime korruptive në ndihmesë të këtij grupi kriminal’ .
Ajo u arrestua në kuadër të aksionit të SPAK që zbuloi një sërë veprash kriminale të grupit të drejtuar nga vëllezërit Florenc dhe Hajdar Çopja.
Lexo edhe:
Discussion about this post