Fluks i jashtëzakonshëm në ditët e para të gushtit në portin e Durrësit

Ditët e para të muajit gusht, ka sjellë një fund të shtuar në të gjithë pikat kufitare të Shqipërisë,  e më së shumti në portin e Durrësit.

Shqiptarë emigrantë dhe shtetas të huaj po dynden drejt Shqipërisë  për të shijuar pushimet verore.

Autoritetet portuale parashikojnë një fluks ditor prej rreth 6000 udhëtarësh që hyjnë dhe dalin përmes kësaj pike kufitare, duke përdorur pesë tragetet që operojnë në linjat Durrës-Bari dhe Durrës-Ankona.

Turistët e huaj vijnë me shumë kuriozitet dhe entuziazëm për të zbuluar bukuritë e Shqipërisë dhe për të shijuar mikpritjen e saj të veçantë.

Përgjatë muajit korrik, në portin e Durrësit kanë mbërritur rreth 85 mijë udhëtarë, ndërsa në dalje janë regjistruar 27.041 pasagjerë.