Kryebashkiaku Erion Veliaj përmes drejtorëve dhe lidhjeve të tij në korrupsion ka ngritur një rrjet kompanish si ajo “5D” që po hetohet nga SPAK. Emrat e këtyre qarkullojnë në çdo tender duke marrë fondet e bashkisë Tiranë, si dhe të shoqërive publike të varura prej saj. Një e tillë është edhe “Ligus” shpk, e cila ka si “specialitet” blerjen e gjithçkaje për furnizimin e institucionit të Lali Erit.
Së fundmi, bëhet fjalë për prokurimin me numër reference REF-13327-07-16-2024 dhe objekt ‘Blerje Automjete Zjarrfikëse’. Janë 66 666 667,00 lekë që Lai Eri i ka ndarë për këtë punë. Fondi limit ka shtatë 6-a, që konsiderohen si kodi i djallit. Ndoshta dikush nga komisioni ka dashur t’i çojë një sinjal SPAK-ut se ka diçka që nuk shkon me këtë tender. Vlera e kontratës është edhe më e madhe, sepse përfshihet TVSH (20%), pra arrin në 80,000,000.4 lekë.
Sipas të dhënave do të blihen 3 makina zjarrfikëse dhe fituesi do të ketë kohë 6 muaj që të bëjë furnizimin e mallit.
Duke llogaritur vonesat, parashikohet që deri në verën e viti 2025, reparti i zjarrfikësve në Tiranë, MZSH do vazhdojë të ketë mungesa në mjete.
Por, kur vjen fjala tek përfitimi i parave, Veliaj nuk është kursyer ai ka firmosur dokumentet shpejt e shpejt. Kryetari kishte lënë në një muaj afat për dorëzimin e ofertave dhe 3 kompani kanë shfaqur interes. Këto janë mjaftueshëm për të zhvilluar një garë të mirëfilltë.
Por kjo nuk ndodhi, sepse Lali Eri e ka fobi zbatimin e ligjit. Prandaj, ditën që është mbajtur tenderi komisioni ka skualifikuar “Mektrin Motors” SHPK, që kishte ofertën më të lirë me vlerë 520 milionë lekë dhe pas saj ka përjashtuar edhe ofertën e paraqitur nga firma “Sparkle 32” SHPK.
Të dyja ofertat e përshtatshme për garë janë skualifikuar me argumentin se kanë mungesë dokumentacionesh që duheshin ngarkuar në sistem.
Stafi i Veliaj e ka anashkaluar atë pikë ku thuhet se në të tilla raste, bashkia si AK përgjegjës për këtë tender duhej të kishte njoftuar ofertuesit për mangësitë që kishin. Në këtë mënyrë pjesëmarrësit do të reagonin brenda afatit ligjit dhe vetëm atëherë duhej të vazhdohej me procedurat e mëtejshme të tenderit.
Pra, u la mbi tryezën e Lali Erit vetëm oferta e firmës “Ligus” SHPK që ishte më e shtrenjta.
Sigurisht në këto kushte, që nuk kishte asnjë konkurrent përballë, kësaj firme i është bërë dhuratë tenderi.
Open Data Albania menjëherë ka ngritur “Flamurin e kuq”, që është shenja e riskut të korrupsionit. Dhe pasi kemi parë këtë sinjal, verifikuam cila është kompani fituese? Një nga themeluesit e “Ligus” ka qenë Shupo Qendro, një nga biznesmenët më të favorizuar nga zyrtarët e tenderave. Duke qenë se kishte shumë biznese, Qendro ua kaloi aksionet personave të tjerë, që po bëjnë namin me fondet bashkisë Tiranë. Në dokumentin më poshtë janë tenderat e fituar këtë vit nga kjo kompani, pjesa dërrmuese të cilëve janë firmosur nga Veliaj.
Tenderat ku merr pjesë “LIGUS” janë shënuar gjithmonë me shkelje dhe kanë marrë “Flamurin e kuq”.
Në dokumentin më sipër paraqitet prokurimi për blerjen e tre mjeteve të përdorura nga ECO Tirana (ndërmarrje në varësi të Erion Veliajt). Tenderi është mbajtur paralelisht me blerjen e zjarrfikëseve dhe kontrata është firmosur më 13 gusht 2024. Kompania “LIGUS” mori pa garë fondin 410 milionë lekë (pa TVSH) dhe kjo nuk është e rastësishme.
Së fundmi, Veliaj i dha nën kujdes shoqërisë Eco Tirana të gjithë territorin e kryeqytetit, që do të thotë më shumë tendera më shumë vjedhje fondesh. Ka vetëm një mënyrë që kryetari të ndalet së shkeluri ligjin mbi prokurimet, pranga e SPAK-ut.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post