Shpërthen cisterna në një pikë karburanti në Pejë, humb jetën një person

Një shpërthim i fuqishëm ka ndodhur sot në Pejë, ku një person ka humbur jetën pas një shpërthimi të një cisterne që ndodhi në një pikë karburanti.

Dyshohet se viktima, 45-vjeçar, ishte një mjeshtër, i cili edhe kishte shkuar për të rregulluar problemin që ishte në pompën e kësaj pike.

Rastin për mediat, e konfirmoi zëdhënësi i Prokurorisë në Pejë, Shkodran Nikçi.

“Ka shpërthyer një mini cisternë ku për pasojë ka ndërruar jetë një person. Aktualisht në vendin e ngjarjes janë Kryeprokurori, udhëheqësi i departamentit për krime të rënda, drejtori i policisë dhe njësite tjera relevante. Po ashtu një person ka kërkuar trajtim mjekësor, por ndodhet në gjendje stabël.”, tha Nikçi.