Kryeministri i Kosovës, Albin Kurti, tha ditën e sotme se vizita në SHBA do të bëhet sa më shpejt. Ai tregoi se me këtë çështje po merret Luan Dalipi. Më tutje, u shpreh se nuk mund të japin më shumë detaje përderisa aktualisht nuk kanë më shumë informata rreth vizitës.
“Sa i përket vizitës në Shtetet e Bashkuara të Amerikës, ajo është duke u përgatitur nga shefi i stafit tim, Luan Dalipi. Do të bëhet sa më parë në fillimin e vitit në të cilin hyjmë, por unë nuk mund të them tash konkretisht përderisa janë duke biseduar atje”, tha kryeministri Kurti.
Kryeministri Kurti tha në tetor gjatë seancës parlamentare se nuk ka aplikuar për një vizë turistike për të udhëtuar drejt SHBA-ve, kur iu vu në dukje mundësia e tij në Asamblenë e Përgjithshme të OKB. Kurti ka theksuar se do të bëjë një vizitë zyrtare në SHBA, por kjo do të ndodhë në muajin nëntor, ndërsa gjithashtu ka ritheksur mbështetjen e tij ndaj Presidentit Biden, por vizita nuk ka ndodhur.
Discussion about this post