Max Allegri mund të rikthehet e të drejtojë një skuadër. Interesim për të ka nga Premier Liga. Pak muaj pas largimit nga Juventusi, tekniku toskan është duke shqyrtuar mundësitë për të vazhduar karrierën e tij. Dhe sipas britanikes “The Guardian”, West Ham e shikon atë si njeriun që mund të zëvendësojë Julen Lopeteguin, pas një nisjeje jo të mirë të sezonit.
Trajneri spanjoll u bë pjesë e anglezëve në verë, ku firmosi një kontratë dy vjeçare. Por, ecuria nuk ka qenë shumë e mirë për të, pasi skuadra ka vetëm 4 fitore në 13 ndeshje. West Ham gjendet në vend të 14 në renditje.
Humbja e fundit e 30 nëntorit ku skuadra pësoi 5 gola nga Arsenali ka bërë që drejtuesit të mendojnë largimin e Lopeteguit. Momentalisht ofertë zyrtare për italianin nuk ka, duke qenë se po shikohen edhe alternativa të tjera si Sergio Conceiçao dhe Graham Potter.
Discussion about this post