Kryetari i Bashkisë së Tiranës, Erion Veliaj i është përgjigjur akuzave që kanë shkuar në drejtim të tij në lidhje me makinën tip “Mercedes Maybach” të parkuar poshtë zyrës së tij disa ditë më parë.
Në një lidhje live në “News 24”, kryebashkiaku Veliaj nuk harroi të mburrej, duke thënë se kush punon goditet, ndërsa theksoi se i dhimbsen ata që kanë degraduar në një diskurs të tillë.
“Kush punon do goditet. Pres të mbaroj e të gjej Maybach-un tim poshtë zyrën. Jemi bërë pak qesharakë. Kur ka ngel tani që opozita s’bëhet më nga politika por sharlatanë të medias që të faturojnë makina që kush më njeh unë s’jam i tillë, nuk jam rraqexhi dhe as nuk i kam qef, dhe kur shikon si ka degraduar diskursi i atyre që duan të të pengojnë thjesht më dhimbsen, por nuk më ndalojnë, nuk ma ulin zellin. Të gjithë ata që thanë s’do bëhet Sami Frashëri, po e shohin që po mbaron. Familjet po hyjnë në shtëpitë e tyre. Sot jemi vlerësuar si kryeqyteti europian i Rinisë. Kush punon fiton, por edhe shahet e i dalin lajme të rreme. Ende s ka lindur ai burrë të më verë gjobë, apo ai gazetar që të thotë shpifa dha ta pranojë. Jo cdo makinë që parkohet në Tiranë është e imja”, tha Veliaj.
Më herët, edhe kryeministri Rama i doli në mbrojtje Veliajt duke thënë se makina në fjalë nuk është e tij, pavarësisht se qëndron poshtë Bashkisë dhe mban inicialet E.V., që “rastësisht” përkojnë me inicialet e Veliajt.
Discussion about this post