Presidenti amerikan Donald Trump i ka hequr të drejtën për të pasur akses në informacionet e klasifikuara edhe Antony Blinken, ish-Sekretarit të Shtetit.
“Djalë i keq. Hiqjani lejet”, citohet të ketë thënë sipas gazetës New York Post, Trump për Blinken.
Të njëjtin vendim kreu i Shtëpsië së Bardhë mori edhe për ish-Presidentin Biden. Në këtë listë është edhe Letitia James, prokurorja e Përgjithshme e Nju Jorkut dhe Alvin Bragg, prokurori i Qarkut të Manhatanit.
Ky i fundit ndoqi penalisht Trump për çështjen ‘Stormy Daniels’ vitin e kaluar. Ai u shpall fajtor për falsifikimin e të dhënave të biznesit por i shpëtoi dënimit pas fitores së tij në zgjedhjet presidenciale.
Demokratët e tjerë që preken nga ky vendim përfshijnë ish-këshilltarin e Sigurisë Kombëtare, Jake Sullivan dhe Zëvendës Prokurorja e Përgjithshme e Biden, Lisa Monaco.
Më herët, Trump arsyetoi vendimin e tij në rrjetet sociale për t’i hequr të drejtën Biden për të patur akses në informacionet sekrete duke përmendur si arsye shqetësime për kujtesën e ish-Presidentit dhe rreziqe të sigurisë kombëtare.
Discussion about this post