Nga Basir Çollaku
Shqipëria ka episodet e saj në zhvillimet përmbysëse në SHBA. Soros kapja e drejtësisë, sulmi shkatërrues ndaj opozitës, korruptimi FBI, ushtria e tij diplomatike amerikane dhe evropiane nën gëzofin e përdorjes
Në Tiranë lanë gjurmë të pashëndetshme dy ambasadorë, saktësisht ambasadorët e “barit” Donald Lu dhe Yuri Kim
Si dhe përse?!
Reforma e barit, gjoja drejtësisë
Duke dashur të fuqizojnë deri në autokraci Edi Ramën, ata e tepruan përtej çdo parashikimi.
Me dhunë diplomatike u bënë 140 vota pro mallit kaotik Reformë në Drejtësi. Për të detyruar bindjen u përdor presion deri në shantazhim me ftesa në ambasadë. Duke vënë dosje në tavolinë se po nuk votuat e dini vetë. Fundi një puthje pasionante me Vlahutin një tjetër diplomate kusuremadhe në Tiranë.
Kur Shqipëria në vitet 2014-2017 ishte rekord global në mbjellje hashashi apo “bari” siç thonë në gjuhën e trafikut, ambasadori Donald Lu nuk foli as çerek fjale. Zero gërma. Heshtja e barit bëri qeverinë dhe ekonominë narkotike. Kur në raportet e DASH, të DEA e të CIA ishim me medalje në tregun e barit ambasadorit nuk i kujtohej asnjë qortim.
Në kulmin e kultivimit me dhjetëra mijë hektarë të “barit” Lu shoqëroi ministrin dhe kryeministrin e “barit” Tahirin dhe Ramën, në zyrën e presidentit Barak Obama. Iku pa gojë nga Shqipëria e industrisë së barit. Pasuesja Yuri Kim ka bëma sa dramatike aq edhe komike. U bë eminencë e Ramës dhe Veliajt sa njerëzia e kujtonin si anëtare e kryesisë së PS.
Në delir nga fuqitë Soros, ajo në oborrin e PD u tha demokratëve shprehjen e diktatorit se do të hanin bar…. Pastaj bar-shitësja turrej nëpër zyra drejtësie duke dhënë porosi për lloj barërash për tu ngrënë. Dhe vjen një ditë. Kur barin e pambaruar do të duhet ta shohësh si mundësinë tënde. E vrerosur deri në mllef pa kokërr prove nëpër duar kundër liderit Berisha, tani Yuri Kim, shikon shefin e saj porosidhënës sekretarin Antony Blinken, një i shpallur “non grata” për administratën Trump
Largimi nga DASH ka dhe histori “bari” për ambasadorët Lu e Kim. Hetimet mund të nxjerrin xhevahire të thartuara ku nuk do mungojnë Rama dhe çeta e tij e mbjelljes e shitjes rekord të “barit..”
Discussion about this post