Përgjakja e rrugëve të Shqipërisë vijon për fat të keq teksa ka ndërruar jetë fëmija 4-vjeçar i përplasur mbrëmë nga një furgon në aksin Klos-Burrel.
Automjeti tip furgon doli nga rruga dhe ka aksidentuar fëmijën e mitur. Sipas informacioneve, shtetasi L.D., 52 vjeç, humbi kontrollin mbi drejtimin e mjetit duke shkaktuar aksidentin. Fëmija u transportua menjëherë në spital për ndihmë mjekësore dhe më pas u dërgua në spitalin e Traumës ku ndërroi jetë disa orë më vonë.
Drejtuesi i automjetit është shoqëruar në Komisariatin e Policisë për veprime të mëtejshme, ndërsa grupi hetimor po punon për të sqaruar shkaqet dhe rrethanat e ngjarjes.
Discussion about this post