Ndryshimet në Partinë Demokratike duken se janë rrënjësore që nga strukturat e deri tek fasada e shtëpisë së demokratëve. Një ditë më parë dera e hyrjes kryesore të selisë blu dhe xhamat e saj u veshën me letër ngjitëse që kishte të printuar logon e kësaj force politike, ndërsa ditën e sotme në fasadën ballore të ndërtesës është vendosur edhe një baner me mbishkrimin “Zgjedhim të ardhmen”. Ky slogan interpretohet si përgjigje ndaj lëvizjes së Berishës dhe mbështetësve të tij, të cilët pritet të shfaqen sërish ditën e sotme në selinë blu.
Ndërkohë përkrahësit e Berishës u shfaqën ditën e djeshme në seli ku u përballën me ndryshime dhe nuk mundën të futen brenda, ku akuzuan Bashën se ka kthyer PD-në në bunkier. Në të njëjtën kohë këto ndryshime vijnë dy ditë para protestës së thirrur nga Berisha.
Discussion about this post