Lushnjë/ Tentohet të vritet gjatë natës roja i një stani, e qëllojnë në kokë

Një plagosje me armë zjarri është regjistruar në orët e para të mëngjesit të sotëm në Plug të Lushnjës.

Burime për mediat bëjnë me dije se i plagosur ka mbetur shtetasi F. Mane rreth 66 vjeç, i cili është qëlluar me armë gjahu çifte dhe disa prej saçmave e kanë kapur në kokë. Ai është dërguar me urgjencë në spitalin e Traumës në Tiranës për mjekim më të avancuar.

Mësohet se Manen kanë tentuar ta vrasin brenda stanit të bagëtive, ku ai ka qenë duke bërë roje nate, kur autorët kanë hyrë dhe e kanë qëlluar. Ndërkohë, burime bëjnë me dije se tre ditë më parë në stanin e tij u vodhën dhe 4 krerë bagëti të imta (dele).

Dyshohet se autorët që kanë kryer plagosjen janë 3 persona që kanë konflikt të hershëm me Manen. Policia është në kërkim të tyre.