Real Madrid ka fituar 3-2 ndaj Celta Vigo në sfidën e luajtur në “Santiago Bernabeu”, e vlefshme për javën e 34-të në La Liga. Serinë e golave për madrilenët e hapi Arda Guler në minutën e 32-të. Mesfushori turk shënoi një gol shumë të bukur me një goditje të fuqishmë Brenda zonës.
Në minutën e 39-të ishte radha e Kylian Mbappe-s për të shënuar golin e dytë për madrilenët. Pas një kundërsulmi të shpejtë dhe topit të marrë nga Bellingham, Mbappe bën gjithçka bukur dhe dërgon topin në rrjetë. Pjesa e parë mbyllet 2-0 për të zotët e shtëpisë.
Pjesa e dytë nis direkt me gol për madrilenët, Mbappe tregon sërish klasin e tij duke tundur rrjetën për herë të dytë, pas një super asisti të marrë nga Arda Guler.
Kur u mendua që ndeshja kishte përfunduar dhe rezultati ishte vulosur, erdhi kundërpërgjigjja e miqve. Në minutën e 68-të, Javier Rodriguez shënon golin e parë pas topit të ardhur nga goditja e këndit.
Në minutën e 75-të, ishte radha e Swedberg për të shënuar golin e dytë për Celta-n, pas një asisti mjeshtëror të Iago Aspas. Dy golat e shpejtë të Celta-s “tërbuan” Ancelotti-n, italiani nuk i përmbajti dot nervat me të tijtë, duke lëshuar lëojën në mënyrë të habitshme dhe duke vënë kështu në rrezik fitoren që dukej e sigurt deri në minutën e 68-të. Rezultati përfundimtar 3-2.
Pas kësaj fitoreje, Reali mban vendin e dytë dhe vazhdon të jetë po 4 pikë larg nga kreu që mbahet nga Barcelona. Javën e ardhshme luhet “El Clasico”, e cila do të vendosë fatin e këtij sezoni.
Discussion about this post