Tirana është stacioni i fundit elektoral për partitë politike para zgjedhjeve të 11 Majit. Socialistët do të bëjë mbylljen e fushatës sot në orën 19:00 në fushën pranë Parkut Olimpik.
Dhe po në të njëjtin orar, demokratët do të zhvillojnë takimin përmbyllës te Bulevardi i Ri. Rrugëtimi elektoral zyrtarisht nisi më 11 Prill ku PS pati si ofertë kryesore politike integrimin e vendit dhe pasaportën europiane, një kartë që megjithatë u rrëzua nga zyrtarët e BE që konfirmuan se integrimi i vendit në BE nuk varet aspak nga partia që fiton zgjedhjet.
Ndërsa demokratët që kërkojnë ndryshimin janë fokusuar tek ekonomia dhe lufta kundër korrupsionit.
Partitë e tjera, mbyllën fushatën dje duke kërkuar rrotaconin dhe ndryshimin e kësaj klase politike që qeveris dhe ka qeverisur vendin.
Discussion about this post