Një aksident i rëndë rrugor ka ndodhur paraditen e sotme në aksin “Tapizë-Fushë-Krujë”, ku janë përfshirë dy automjete, një tip Mercedes dhe një Audi.
Sipas Policisë, ngjarja u regjistrua rreth orës 11:00, kur automjeti me drejtues shtetasin E. H., 28 vjeç, u përplas me automjetin që drejtohej nga shtetasi K. D., 19 vjeç.
Si pasojë e përplasjes, kanë mbetur të plagosur të dy drejtuesit e mjeteve, si dhe pasagjeri në automjetin e 28-vjeçarit, shtetasi S. H., 30 vjeç.
Të tre të lënduarit janë transportuar në spital dhe ndodhen nën kujdesin e mjekëve.
Pamjet nga vendi i ngjarjes tregojnë qytetarë që i japin ndihmën e parë njërit prej të plagosurve.
Grupi hetimor po punon për të zbardhur rrethanat e aksidentit, ndërsa materialet procedurale i janë referuar Prokurorisë për veprime të mëtejshme.
Discussion about this post