Nënkryetari i LSI-së, Petrit Vasili ka reaguar pas deklaratës së Ramës në konferencën e përbashkët me Erdogan, i cili deklaroi se ne jemi me Shqipërinë dhe me BE-n. Më tutje Rama ka thënë se BE pa Turqin do ishte në një humbje të madhe sot. Pikërisht këto deklarata kanë revoltuar Vasilin, i cili e ka quajtur Ramën anti-europian. Në një postim në “Facebook”, Vasili shkruan se kreu i qeverisë ka një urrejtje patologjike për Evropën, teksa e cilëson absurd barazimin e BE-së me Turqinë.
“Ky është fundi, Rama vë shenjen e barazimit mes Bashkimit Europian dhe Turqisë!? Rama tha sot: “Jo, ne jemi me Shqipërinë as me BE e Turqinë e pikërisht se jemi me Shqipërinë ”Rama tha sot: “mos harrojmë që BE pa Turqinë, do të ishte në një situatë që mund të mos i ngjante fare asaj që është sot për keq. Turqia është një valvul e paçmueshëm për sigurinë për BE”.
Rama e kam thënë kaq herë, që e urren në mënyrë patologjike Europën dhe integrimin e Shqipërisë në BE, por sot ai i vuri vulën. Jo lum miku për shqiptaret Europa është absolutisht dhe përjetësisht e para. Për Edi Ramën dhe pazaret e tij Europa është e urryer dhe sigurisht e fundit. Prandaj ai godet, ofendon, pengon, përdor gjuhë ordinere ndaj Europës, që të pengojë demokracinë europiane, funksionimin e shtetit ligjor europian dhe barazinë europiane para ligjit që të hyjë në Shqipëri”, shkruan Vasili.
Ndërsa, LSI vazhdimisht ka akuzuar Ramën se po e çon vendin drejt përcarjes me BE dhe po mban peng integrimin.
Discussion about this post