Inter mund me lehtësi Cremonese-n, mban kryesimin e Seria A

Inter nuk fal në transfertën e Cremoneses. Zikaltërit fitojnë 0-2, në sfidën e luajtur në Stadio Giovanni Zini (Cremona). Ekipi i Chivu mbylli llogaritë pas gjysmë ore loje, duke shënuar dy herë.

Ishte një ndeshje të cilën Interi e vendosi praktikisht që në pjesën e parë të sfidës kur shënoi të dy golat e tij. Vetëm 16 minuta priti skuadra e drejtuar nga Cristian Chivu për të zhbllokuar rezultatin me Lautaro Martinez që shënoi kështu golin e tij të 13 në kampionat. Ndërsa në minutën e 31, Zielinski dyfishoi shifrat për Interin që shkoi në pushimin e ndeshjes me avantazhin 2-0.

Në pjesën e dytë historitë e kësaj ndeshjeje nuk ndryshuan më edhe pse Cremonese pati një shans shumë të mirë për të rihapur llogaritë e saj me Zerbin që u ndal nga shtylla.

Inter kryeson kampionatin me 55 pikë të grumbulluara duke cuar për momentin në 8 pikë diferencën me Milanin e vendit të dytë.. Cremonese është në vendin e 16-të. Shikoni golat ne linkun me poshte:

https://rumble.com/v755mzi-inter.html

gijotina.com/

Etiketa: Seria A