President i Shteteve të Bashkuara, Donald Trump është përballur me pyetje në lidhje me shëndetin e tij gjatë gjithë karrierës së tij presidenciale. Por, përveç shqetësimeve të përgjithshme në lidhje me rreziqet shëndetësore që rriten me moshën, disa mjekë kanë bërë pyetje më të gjera në lidhje me shëndetin mendor të Trump.
Në një deklaratë të publikuar në British Medical Journnal 30 mjekë amerikanë vënë hapur në dyshim aftësinë e Trump për të ushtruar detyrën e presidentit. Sipas tyre presidenti përbën një rrezik të qartë dhe të menjëhershëm për botën dhe kërkesa e tyre drastike është shkarkimi i menjëhershëm i Trumpit nga detyra.
Shqetësimet në lidhje me shëndetin mendor të Trump u ngritën gjatë mandatit tij të parë (2017-2021). Në prill të vitit 2017, në Universitetin Yale u mbajt një konferencë në të cilën një grup psikiatërësh diskutuan shëndetin mendor të Trump.
“Kemi detyrim të flasim për problemet e shëndetit mendor të Donald Trump, sepse shumë jetë dhe mbijetesa jonë si specie mund të jenë në rrezik. Ai ka një nevojë të madhe për lajka. Ai zemërohet nëse realiteti nuk i plotëson nevojat e tij. Njerëzit kanë pritur që ai të përshtatet me rolin e tij dhe të bëhet normal ose më shumë ‘presidencial’, por kjo nuk ndodh zakonisht midis atyre me tipare të tilla personaliteti.
Në fakt, ajo që po shohim është një krijim i realitetit të tij, një realitet që do të plotësojë nevojat emocionale të Trump dhe nevojën për ta imponuar atë realitet te të tjerët,” tha Bandy Lee, profesoreshë në Shkollën e Mjekësisë të Yale dhe organizatore e konferencës.
Discussion about this post