Kryeministri Edi Rama ka konfirmuar Konferencës Ndërqeveritare më 26 maj në Tiranë. Ai sulmoi opozitën, sa i takon skepticizmit të saj sa i takon rrugës drejt integrimit. Kryeministri në podcastin e tij të përjavshëm, u ndal te disa nga temat e nxehta të zhvillimeve politike në vend.
“Përshëndetje nga Tokio. Prej ku para nisjes në Shqipëri po regjistroj këto shënime për këtë moment për Shqipërinë, sa i takon shkallës së respektit, për dinjitetin që qëndrojmë në dinjitetin e shteteve. Në Tokio dhe Kore gjetëm mbështetje për bashkëpunim mes këtyre vendeve aziatike. Ai ballafaqim në BE mori kohën e vetë. Ndërkohë që molotovarët u lëshuan në një ofensivë të dëshpëruar. U lëshuan rrugëve, për ta djegur Shqipërinë në sytë e botës. Gëzonin si fëmijë kur fotot e kazanëve me flakë apo molotovëve që hidheshin nëpër Tiranë, bënin xhirot e botës. Mblidh dhe hidh jargë urrejtje politike pasqyrë më pasqyrë. Ata lanë kokrrën e namit si asnjë opozitë të vendeve që sot janë pjesë e BE. Thanë se rruga europiane ishte e bllokuar, thanë se qeveria ishte e ndëshkuar dhe se ishim të izoluar. Por u gënjyen. Në fund humbën me turp, pasi Shqipëria fitoi. Më 26 maj do të mbahet Konferenca ndërqeveritare, për të vijuar me anëtarësimin e Shqipërinë në BE. Kemi ngjitur një lartësi të vështirë drejt majës ku do të vendosim flamurin e Skënderbeut dhe Ismail Qemalit, drejt Europës së bashkuar.”, tha Rama.
gijotina.com/
Discussion about this post