“Artileri të rënda” zbresin sot në fushë, Holanda dhe Gjermania nuk kanë ndërmend të heqin ‘këmbën nga gazi‘

Prej orës 19:00, do të fillojë ndeshja Holandë – Suedi, e vlefshme për Grupin F. Barazimi “dramatik” 2 – 2 kundër Japonisë, bën që fitorja kundër suedezëve të jetë detyrim për “Tulipanët”.

Nëse Van Dijk me shokë ia dalin të marrin 3 pikë dhe ta realizojnë me sukses “misionin”, do të ngjiten në krye të grupit, e cila aktualisht “komandohet” prej Suedisë me 3 pikë.

Në orën 22:00 (ora lokale e Shqipërisë), Gjermania e drejtuar nga Julian Nagelsmann do të mas “forcat” me Bregun e Fildishtë. Triumfi 7 – 1 karshi Kuraçaos, ka bërë që “Pancerat” të “ëndërrojnë” për një rrugëtim historik, pse jo edhe triumfin në këtë kompeticion kaq elitar.