Protesta, 51 ditë marshim në kryeqytet, qytetarët kërkojnë dorëheqjen e Ramës

51 ditë revoltë, rezistencë, shqiptarët të pandalur protestojnë kundër Edi Ramës dhe kërkojnë largimin e e tij.

“I jam bashkuar protestës për skandalet që ka bërë qeveria shqiptare. Ne shqiptarët jemi në dhunën e këtyre. I bëj thirrje studentëve, të gjithëve, për të rrëzuar këtë sistem. Ky qenka më diktator se Enver Hoxha. Kinostudio Kombinat nuk gjen një çezme të ftohesh me ujë…Në Itali pinë edhe qentë ujë. Këtu pi një cigare ku ta hedhësh, ta mbaj në xhep. Ne nuk jemi as sorra as korba. Ne duam mirëqenie jo dallavere…Një përkrahje sociale Një pensionit këtu merr 70 mijë lekë, atje me 600-700-800 euro. Në autobus nuk ka kondicioner, nuk i ndezin, temperaturat 40 jashtë, 70 shkon brenda më autobus”, tha mes të tjerrsha ai.

Një i moshuar teksa ka marrë pjesë në protestën e 51-të kundër qeverisë i është përgjigjur kryeministrit Edi Rama, i cili i etiketoi protestuesit si sorra, duke thënë se shqiptarët janë shqiponja dhe sorrë është ai vetë.
I moshuari ngriti edhe problemin e shpopullimit dhe tha se shqiptarët po zëvendësohen me njerëz nga Afrika dhe Azia.

“Ne jemi Shqiponja, sorra dhe korba janë Edi Rama dhe ata që e pasojnë. Vij në protestë të mbështes rininë e mrekullueshme që po i jep mësim dhe Europës.
Ky vend është goditur nga politikat sorosiane dhe nga establishmenti Rama-Berisha.
Edhe Elom Musk ia transformuan fëmijën, por jam kundër ndërhyrjeve, shoqëria shqiptare duhet të ruajë traditën sepse ato e kanë ruajtuar nga shfarosja. Edhe perandoritë nuk e kanë bërë, duhet të mbrojmë pasuritë tona, qeveria ka vënë dorë mbi çdo pasuri e sot kërkon të zhdukë popullin dhe të sjellë skllevër nga Azia dhe Afrika”, tha ai.

Aktivisti i Lëvizjës Bashkë, Emiljando Kita, në një deklaratë për News 24 nga sheshi “Skënderbej” tha se ata që protestojnë janë njerëz, të cilët punojnë nga mëngjesi në darkë që Rama të marrë pagën dhe nga ana tjetër kryeministri nuk iu shërben atyre por krimit dhe oligarkisë.
Ai tha se protestuesit po kërkojnë interesa të mëdha: duan të mos betonizohen zonat e mbrojtura, të qeverisemi nga njerëz me dinjitet dhe jo të mbushet me përfaqësues të krimit dhe analfabetë.

“Protestuesit janë ata që punojnë nga mëngjesi në darkë që Rama të marrë pagën dhe janë këtu që ai t’ju shërbejë ndërkohë Rama iu shërben krimit dhe oligarkisë.
Punonjësit janë në kushte mjerane me paga mjerane, pensionistët janë në pamundësi për të shtyrë muajin, bujqësia, blergtoria dhe industria janë në kolaps dhe kryeministri është kthyer në palaço. Kjo protestë është shpresë që gjërat mund të ndryshojnë.
Protestuesit po kërkojnë interesa të mëdha: duan të mos betonizohen zonat e mbrojtura, të qeverisemi nga njerëz me dinjitet dhe jo të mbushet Parlamenti me përfaqësues të krimit dhe analfabetë”, tha ai.

Një qytetar ndërsa foli për News24, theksoi se vjen nga Londra, dhe i është bashkuar kësaj revolte, për largimin e kryeministrit Edi Rama.

Ai akuzoi politikanët se nuk kanë punuar për vendin, por vetëm e kanë vjedhur atë.

“Jam në këtë protestë që të bëhet ky vend. Ky vend nuk është bërë sepse ata që na kanë drejtuar janë vetëm për të vjedhur, nuk mendojnë për popull. Ky vend duhet të bëhet që të mos ikë rinia siç ikëm ne”, tha mes të tjerash ai.

gijotina.com/