Messi dhe Ronaldo mund të luajnë për herë të parë në një ekip të dy bashkë

Carlos Tevez po përgatitet për një ndeshje lamtumire që mund të kthehet në një spektakël historik për futbollin botëror.

Ish-sulmuesi argjentinas, që i dha fund karrierës si futbollist në vitin 2021, ka zbuluar planet për një përballje speciale në muajin dhjetor.

Por ajo që ka tërhequr më shumë vëmendjen janë emrat që Tevez dëshiron të ketë në fushë.

Sipas tij, të ftuar do të jenë dy prej ikonave më të mëdha të futbollit të epokës moderne: Lionel Messi dhe Cristiano Ronaldo.

Një skenar i tillë do të ishte ëndrra e çdo sportdashësi, pasi dy yjet mund të ndajnë sërish të njëjtën fushë.

Tevez ka treguar se komunikimi me të dy futbollistët është ende i drejtpërdrejtë.

“I kam të dy në WhatsApp dhe të dy do të jenë në këtë ndeshje”, u shpreh ai.

Argjentinasi madje ka shkuar edhe më tej, duke thënë se është gati të udhëtojë personalisht për t’i marrë nëse do të jetë e nevojshme.

Ndeshja e dhjetorit pritet të mbledhë emra të mëdhenj të futbollit dhe të rikthejë në fushë disa prej legjendave.

Nëse Messi dhe Ronaldo konfirmojnë pjesëmarrjen, eventi do të marrë përmasa globale.

Për Tevez, kjo mund të jetë mënyra perfekte për t’i dhënë një lamtumirë përfundimtare futbollit të luajtur.

Tashmë mbetet për t’u parë nëse dy rivalët historikë të futbollit do të realizojnë këtë takim të shumëpritur.