Prej disa ditësh vazhdon debati mes kryeministrit Edi Rama dhe opozitës për shpenzimet me çmime marramëndëse që bën kreu i qeverisë në udhëtime jashtë vendit. Në një deklaratë ditën e djeshme Rama i hodhi poshtë të gjithë akuzat, duke thënë se nuk ka paguar me lekët e shtetit udhëtime të shtrenjta. Por për të theksuar edhe njëherë faktin se Rama kërkon t’i shmanget të vërtetës, deputeti i PD Kreshnik Çollaku i ka kërkuar Ramës të tregoj se kush ia pagoi udhëtimi në Mynih, pasi atje ka bërë shpenzime të shfrenuara edhe pse vendi ynë është më i varfri në rajon.
“Edi Rama përdori sërish të vetmen gjë që ka arritur te qeverisja e tij 8-vjeçare, propagandën për të fshehur të vërtetën për udhëtimet e tij luksoze me charter privat. Edi Rama refuzoi të japë informacion kush e pagoi qëndrimin e tij në hotelet luksoze të Mynihut ndërsa ai ndodhej atje për të pastruar imazhin e tij të nxirre nga krimi dhe korrupsioni. Luksi i shfrenuar i kryeministrit të popullit më të varfër të rajonit, dhe që nga keqqeverisja e tij rënditet ndër azilkërkuesit më të mëdhenj në botë përshkruhet më së miri nga gazetarja në intervistën e përkthyer dhe shpërndarë nga vetë zyra e kryeministrit citoj “Është e diela e parë pas Vitit të Ri.
Një Porsche, tip ”Panamera GTS”, e zezë, përplaset pak në një pirg dëbore në parkingun prapa Bergsteigerdorf Kreuth. …Është Edi Rama, …..kryeministër i Shqipërisë që nga viti 2013, …Ne kemi rënë dakord të bëjmë një xhiro në Ëildbad Kreuth-in legjendar, dikur një perlë e familjes mbretërore bavareze Ëittelsbach dhe një llixhë për carët rusë dhe perandoreshat austriake. Sot, investitorët nga Gjermania dhe jashtë vendit vërshojnë me milionat e tyre”, shpreht ai.
Ndërsa më tutje i numëron Ramës një më një udhëtime të tjera me vlera marramendëse dhe i këkron të jap shpejgim që shpenzon në këtë mënyrë paratë e popullit. “Në emër të shqiptarëve po e pyesim sot sërish Edi Ramën. “A ke udhëtuar në Malmo të Suedisë me Charter? A ke udhëtuar drejt Sofjes, me charter? A ke udhëtuar drejt Ohrit, me charter? A ke udhëtuar drejt Bejrutit, me charter? A ke udhëtuar drejt Italisë, me charter? A ke udhëtuar drejt Kajros, me charter? A ke udhëtuar drejt Beogradit, me charter? A ke udhëtuar drejt Skocisë dhe Britanisë së Madhe, me charter? A ke udhëtuar drejt Mynihut, me charter”, dekalroi ai. Ndërsa reagimin e djeshëm të Ramës e quan propagandë për të fshehur jetën prej sheiku.
Discussion about this post