Ish-kreu i grupit parlamentar i Partisë Demokratike, Alfred Rushaj është rishfaqur në krah të kryedemokratit Lulzim Basha pas aludimeve se i doli kundër në përballjen me ish-kryeministrin Sali Berisha.
Rushaj ishte prezent në takimin që Basha zhvilloi me demokratët e njësisë 4 në Tiranë, ku nga fotot duket deputeti i PD i ulur në sallë teksa Basha po mbante fjalimin e tij.
Ky rikthim i Rushaj vjen disa javë pasi ai hoqi dorë nga drejtimi i grupit parlamentar të PD, pozicion që u pasuan nga Enkelejd Alibeaj. Asokohe PD tha se Rushaj ishte i sëmurë me Covid, prandaj nuk ishte aktiv, ndërsa për dorëheqjen, selia blu tha se ishte vetë Rushaj që e kishte dhënë.
Por në media filloi të aludohej se ky i fundit doli kundër vendimit të Bashës për përjashtimin dhe pezullimin e disa funksionarëve të lartë të PD pas protestë së 8 janarit, megjithëse ky veprim i sotëm hedh poshtë çdo aludim.
Discussion about this post