Partia në pushtet “SNS” me në krye presidentin serb Aleksandar Vuçiç, po vazhdon t’i diskriminoj banorët shqiptarë të Komunës së Medvegjës.
Kjo po bëhet duke larguar në mënyrë sistematike emërtimet në gjuhën shqipe, nga të gjitha objektet. Për një gjë të tillë ka reaguar aktivistja, Flora Ferati.
“Partia në pushtet SNS vazhdon t’i heqë tabelat dygjuhëshe në Komunën e Medvegjës. Gjuha shqipe po hiqet sistematikisht nga të gjitha shenjat e informacionit (objektet e kujdesit shëndetësor, emrat e rrugëve, informacionet turistike) “, njofton aktivistja Flora Ferati-Sachsenmaier.
Nuk është hera e parë që pushteti i Vuçiç hakmerret nga shqiptarëve të Luginës së Preshevës, ku deri më tani janë pasivizuar mbi 6 mijë adresa.
Kohë më parë, disa aktivistë për të drejtat e njeriut nga Medvegja i janë drejtuar me një letër Zyrës së OSBE-së në Serbi duke shprehur pakënaqësitë rreth shkeljeve nga Beogradi.
Serbia ndodhet në prag të zgjedhjeve të jashtëzakonshme parlamentare, derisa shqiptarët përsëri pritet të garojnë në një listë të përbashkët zgjedhore.
??Serbia’s SNS ruling party continues to remove bilingual signs in the municipality of Medvegje/Medvedja.
As the images below show, Albanian language is being systematically removed from all signs of information (healthcare facilities, road names, tourist information). pic.twitter.com/Ntho8JJc4r
— Flora Ferati-Sachsenmaier (@FloraFerati) February 11, 2022
Discussion about this post