Në ditët e fundit vendi ynë është përshirë nga kushte atmosferike të ngrohta dhe të qëndrueshme, pro mesa duket nga nesër moti do të marr kthesë të menjëhershme. Harta e publikuar nga sinoptikanët paralajmëron mot të keq në zonat bregdetare. Kështu, pak minuta më parë Ujësjellës Kanalizime Vlorë i ka bërë thirrje qytetarëve që të shmangin parkimin e automjeteve në disa rrugë problematike të qytetit, pasi parashikohet që të ketë përmbytje masive si pasojë e reshjeve intensive të shiut.
“Ju bëjmë thirrje të shmangni parkimet e automjeteve qysh sot në darkë deri në orët e para të mëngjesit të ditës së nesërme në rrugët dhe zonat nevralgjike, që njihen si me risk të lartë për përmbytje: Në zonën “Albano&Romina”, Në rrugën e Bibliotekës Publike; Në zonën e Kishës Orthodhokse; Në zonën pranë Universitetit në “Skel””, thuhet në njoftim.
Sipas të dhënave të shërbimeve meteorologjike, qyteti i Vlorës do të përfshihet nga reshje me intensitet të shiut mëngjesin e ditës së nesërme, e Mërkurë 16 Shkurt.
Discussion about this post