Basha mbledh grupin parlamentar, në fokus reforma Territoriale dhe Zgjedhore

Kryetari i Partisë Demokratike, Lulzim Basha do të mbledhë grupin parlamentar në orën 20:00 të mbrëmjes së sotme, ku në fokus të mbledhjes do të jetë përbërja në komisionet për Reformën Territoriale dhe Reformën Zgjedhore.

Gijotina.com ka raportuar më herët se Basha pritet të caktojë drejtues politik të Reformës Territoriale Gazment Bardhin, ndërsa drejtues teknik, Roland Bejkon. Po ashtu, është mësuar se anëtare do të jetë deputetja Dhurata Çupi, ndërsa në diskutim janë Bledion Nallbatin e Greta Bardhelin.

Ditën e nesërme në orën 10:00 pritet që parlamenti të miratojë përbërjen e dy komisioneve të posaçme, atë të Reformës Zgjedhore dhe të Reformës Territoriale, të dyja propozime të opozitës.