Ambasada ruse në Tiranë: Ukraina ka rënë dakord për bisedime në Bjellorusi

Ambasada ruse në Tiranë, pretendon se Ukraina e ka pranuar ofertën e grupit të Putin, për të negociuar në Bjellorusi.

Në faqen zyrtare në Facebook, Ambasada ruse shkruan se delegacioni rus është duke shkuar në Bjellorusi për të negocuar.

“Ukraina ka rënë dakord të zhvillojë bisedime në rajonin Gomel (Bjellorusia), delegacioni rus është duke ardhur në vend, eshtë shpehur udhëheqësi i saj Vladimir Medinskij.

Medinsky: Rusia është e gatshme të negociojë me Ukrainën për të arritur paqen në çdo kohë”.

Lajmi nuk është i konfirmuar nga asnjë media tjetër ndërkombëtare. Kujtojmë se presidenti i Ukrainës, Volodymyr Zelensky një ditë më parë i ka kundërshtuar negociatat për bisedime në Bjellorusi.  Zelensky ka deklaruar se ky veprim do të ishte i mundshëm në rast se trupat ruse nuk do kishin hyrë në Ukrainë nga territori i Bjellorusisë.