Të gjithëve na kujtohet fillimi i pandemisë së koronavirusit. E gjithë bota duhej të zbatonte disa masa si respektimi i distancës sociale, mbajtja e maskave dhe larja e shpeshtë e duarve.
Jo të gjithë kanë nevojë për maska, tha Ministri gjerman i Shëndetësisë Jens Spann. Në fakt, deri në fillim të prillit të vitit të kaluar, politikanët gjermanë as nuk mund ta imagjinonin faktin që maskat do të ishin të detyrueshme.
Një vit më vonë dhe pas disa hulumtimeve situata ndryshoi. Maskat e para të bëra në kushte shtëpie ishin hapi i parë, në mungesë të ekspertëve të tregut. Dhe tani, me incidencën e pozitivitetit në Gjermani në rënie të vazhdueshme, madje nën 35 në disa shtete, lind pyetja: Kur do të heqim dorë nga maskat?
“Maskat do të hiqen, kur 70-80% e popullsisë të vaksinohet” tha specialisti i sëmundjeve infektive Friedmann Weber. Nga Universiteti i Giessen.
Dhe me këtë ai nënkupton të vaksinuarit plotësisht. “Ne jemi akoma në mes të një pandemie dhe nuk e dimë se si do të jetë situata për shkak të varianteve të koronavirusit.”
Siç thekson ai, masat që janë përdorur deri më sot do të vazhdojnë të jenë pjesë e jona, pasi “do të ishte jashtëzakonisht e gabuar dhe dritëshkurtër t’u dërgohet një mesazh qytetarëve se ata do të ndalojnë së përdoruri maskën në dyqanet tregtare”.
Mbi të gjitha, shpjegon ai, përdorimi i maskave është një masë që mund të zbatohet lehtësisht, dhe që ka shumë rëndësi në lidhje me përhapjen e virusit, raporton abcnews.al
Një masë e “lehtë” mbrojtjeje kundër virusit
Sipas një raporti nga specialisti gjerman i sëmundjeve infektive Christian Dorsten në revistën shkencore Science, koronavirusi zbulohet një deri në tre ditë para fillimit të simptomave. Kjo do të thotë që personi i infektuar mund të transmetojë virusin te të tjerët. Prandaj është e nevojshme maska për të shpëtuar personat e tjerë.
Përveç kësaj, rreziku i infektimit në ambiente të mbyllura është edhe më i madh. Kështu, sipas Gerhard Soych, ish-president i Shoqatës Ndërkombëtare për Ndotjen e Ajrit, hapi i parë në heqjen e maskës në çdo rast duhet të jetë vetëm në ambientet jashtë.
Nga ana tjetër, në teatrot e mëdha, muzetë, pishinat dhe stadiumet, rreziku i përhapjes së koronavirusit është dukshëm më i ulët se në dyqanet e vogla. Sigurisht, ka përjashtime, të tilla si ashensorët, dhomat e zhveshjes dhe tualetet, raporton abcnews.al
Mbase ne duhet të mësohemi me idenë se maskat do të mbeten një pjesë integrale e jetës sonë të përditshme për momentin. Drejtori i departamentit të pulmonologjisë në Spitalin Charité në Berlin, Christian Witt tha: “Maskat janë një masë kryesore mbrojtjeje kundër përhapjes së koronavirusit dhe do të mbetet e tillë.” Edhe për ata që janë vaksinuar, sidomos kur efekti i vaksinës fillon të zvogëlohet me kalimin e kohës “.
