Wisdom le Borussia Mönchengladbach, për t’iu bashkuar Bayern Munich. Ekspertët e merkatos e përshkruajnë sulmuesin gjerman U-14 si një “talent të jashtëzakonshëm”. Lojtari është i aftë me të dyja këmbët dhe mbresëlënës në situatat një-në-një. Për të marrë 13-vjeçarin, Bayern investoi shumë. Sipas informacioneve të Sky, paketa totale financiare e transfertës shkon në mbi 300 mijë euro.
Pjesa më e madhe e kësaj shume është shpenzuar për të ashtuquajturën tarifë nënshkrimi, një bonus për nënshkrimin e kontratës së lojtarit. Prindërit e djalit do të marrin gjithashtu një pjesë të konsiderueshme për transferimin, më pas do të ketë një lloj rroge të vogël dhe Gladbach do të marrë 20 mijë euro.
Wisdom, i cili mbush 14 vjeç më 24 shtator, do t’i bashkohet skuadrës U-15 të Bayernit në verë. Thuhet se lojtarët U15 të klubit bavarez fitojnë rreth 400 euro, por pasi të arrijnë në U-16, lojtarët më të mirë mund të fitojnë deri në 2000 ose 3000 euro bruto në muaj.
Kontrata e 13-vjeçarit është nënshkruar nga prindërit e tij. Kur bëhet fjalë për transferimet e lojtarëve të tillë të rinj, është normale në fakt që ai së pari dorëzohet dhe firmoset nga kujdestarët e tij.
Discussion about this post