Një furgon është përfshirë nga flakët mbrëmjen e sotme në ambientet e një biznesi në pronësi të shtetasit A. P., 43 vjeç në afërsi të rrugës nacionale Gjirokastër-Tepelenë.
Policia bën me dije se automjeti i cili ka qenë i parkuar është djegur plotësisht, ndërsa dyshimet e para janë se kemi te bëjmë me një ngjarje aksidentale.
Nga veprimet e para hetimore dyshohet se zjarri është shkaktuar aksidentalisht. Në vendngjarje ndodhet grupi hetimor dhe po punon për sqarimin e rrethanave të situatës.
Discussion about this post