Gjashtë persona janë arrestuar gjatë natës në kryeqytet, të cilët akuzohen për vepra të ndryshme penale. Policia bën me dije se në pranga ranë A. Z., 24 vjeç dhe E. Ç., 23 vjeç, sepse gjatë kontrollit të mjeteve përkatëse me të cilin këta shtetas qarkullonin në kohë dhe vende të ndryshme, forcat “Shqiponjat” gjetën një sasi me lëndë narkotike kanabis.
Po ashtu, u arrestuan dhe katër persona të tjerë, të cilët shkelën Kodin Rrugor duke drejtuar mjetin pa leje drejtimi dhe në gjendje të dehur.
Njoftimi i plote:
Arrestohen në flagrancë 6 shtetas, për vepra të ndryshme penale.
Specialistët për Hetimin e Narkotikëve bënë arrrestimin në flagrancë të shtetasve :
A. Z., 24 vjeç dhe E. Ç., 23 vjeç, sepse gjatë kontrollit të mjeteve përkatëse me të cilin këta shtetas qarkullonin në kohë dhe vende të ndryshme, sherbimet e Forcës së Posaçme “Shqiponjat” gjetën dhe sekuestruan një sasi me lëndë narkotike kanabis.
Specialistët e Qarkullimit Rrugor bënë arrestimin në flagrancë të shtetasve :
F. L., 41 vjeç, pasi u kap duke drejtuar mjetin pa lejen përkatëse;
K. H., 28 vjeç, G. B., 46 vjeç dhe J. B., 36 vjeç, pasi u kapën duke drejtuar mjete përkase në gjendje të dehur.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
Vijon…
