Kiara Tito nuk dëshiron të jetë pjesë e asnjë formati ndryshe stilit të saj dhe këtë gjë e ka konfirmuar vetë. Moderatorja, e cila tanimë drejton emisionin “Style Star” u shpreh se në fillim e ka nisur programin vetëm me vajzat dhe ideja ka qenë e saj. Sipas Kiarës emisioni është i suksesshëm dhe do të vazhdojë të transmetohet, duke hedhur poshtë kështu, aludimet se do të moderojë emisionin “Piranjat” në ABC.
E ftuar në “Ditë pas Dite” moderatorja është shprehur se do të vazhdojë sezonin e tretë të “Style Star” dhe që prej momentit të parë që është bërë pjesë e televizionit në moshën 16-vjeçare, televizioni vazhdon të mbetet dëshira e saj primare.
Gjatë bisedës në studio, Kiara është pyetur për marrëdhënien e saj me kolegët, duke qenë se nuk është përfolur asnjëherë në rrjet për asnjë lloj konflikti.
“Nuk jam zhgënjyer asnjëherë, nuk kam pasur hatërmbetje duke qenë se nuk i marr personale ato që ndodhin.”
Gjithashtu, Moderatorja është pyetur edhe për jetën romantike duke u shprehur se nuk ka askënd në jetën e saj. Lidhja e vetme e dashurisë të cilën në fakt Kiara nuk e ka pranuar kurrë publikisht ka qenë ajo me këngëtarin e njohur Butrint Imerin.
Së fundmi, moderatorja ka rikujtuar momentin kur puthi Butrintin në faqe gjatë emisionit duke u shprehur se kjo puthje i solli një rritje të ndjeshme të ndjekësve të saj në rrjetet sociale dhe i ndryshoi karrierën e saj për mirë.
“Që nga ky momenti i kësaj puthjes që dhashë pata një ndryshim të madh nga rrjete sociale, pata një rritje të ndjekësve. Ishte komplet rastësore, por edhe emisioni eci mirë. Mund të them që ka qenë një moment që më ka ndikuar për mirë edhe në vazhdimësi të gjërave të mia.”
Discussion about this post