Kreu i grupit parlamentar socialist, Taulant Balla ka nisur konsultimet me shoqërinë civile për zgjedhjen e Presidentit të ri, ndërsa më pas pritet të takohet me kreun republikan Fatmir Mediu.
Në fjalën e tij, Balla është shprehur se mazhoraca kërkojnë që të kenë një president përfaqësues sipas Kushtetutës dhe jo një përfaqësues ekskluziv për opozitën.
“Unë do të doja shumë që presidenti ose presidentja e re të merre 3/5 e anëtarëve të kuvendit në tre raundet e parë. Është hapur edhe një dritare e drejtpërdrejtë me publikun dhe pjesëmarrja është e madhe. Doja që t’ju ftoja të gjithëve dhe çdo organizatë që përfaqëson shoqërinë civile në vendin tonë që të jepni propozime tuaja me një kusht me argumentimet përkatëse pasi do të na ndihmonte për të ndërtuar dhe profilin e presidentes së Shqipërisë. Ne nuk na duhet që të kemi një përfaqësues ekskluziv tonin por duam të kemi një president që të gëzojë autoritetin që i jep kushtetuta. Fundi i këtij procesi do na japë ne dhe ju të drejtë, ku në 2022 Shqipëria duhet të zgjedhë një president në lartësinë e presidentit të republikës. Në këtë fazë të parë ne presim sugjerime për procesin dhe jo për emrat pasi duhet që të merrni leje”, tha Balla.
Ndërkohë takimi me kreun e grupit të PD, Enkelejd Alibeaj është shtyrë ditën e nesërme, pasi PD ende nuk ka zhvilluar mbledhjen me grupin parlamentar për të dalë me qëndrim të unifikuar.
Discussion about this post