Deputetja e Partisë Demokratike Jorida Tabaku i është përgjigjur kryeministrit Edi Rama, i cili piu ujë nga çezma siç ia premtoi në Kuvend.
Në një postim në Facebook, Tabaku shkruan se e gjitha është një propagandë e kryeministrit. Ajo ka publikuar dhe një shkresë në të cilën shihet blerja e ujit të pijshëm që bën Bashkia Tiranë për stafin. Krah shkresës, Tabaku pyet se kur ujë ka 24 orë për çdo familje, atëherë përse duhet bashkia të shpenzojë 200 mijë euro në vit për ujë.
“Lodhet ER me propagandë, ja prish filmin EV! Kur qenka uji 24 orë në cdo familje tiranse pse Bashkia Tiranë ble 200,000 Euro ujë të pijshëm në vit për stafin e Bashkisë,”- shkruan Tabaku.
Gijotina.com më herët ka denoncuar këtë procedurë tenderimi. Në datën 25 Mars, Erion Veliaj ka hapur tenderin për të blerë ujë të pijshëm për punonjësit e Bashkisë së Tiranës. Tenderi mban numrin e referencës REF-22936-03-24-2022 dhe ka fondin limit prej 2.249.925 lekë të reja, ose rreth 23 milionë lekë të vjetra. Tenderi është zhvilluar pa garë dhe vetëm me një kompani, “LAJTHIZA INVEST”, e cila nuk ka pasur asnjë konkurrent dhe është shpallur fituese. Siç e kemi thënë, procedurat me një konkurrent shfaq dyshime se fituesi mund të jetë i paracaktuar dhe ky tender i Bashkisë Tiranë është futur në kategorinë e flamurit të kuq nga “Open Data” me mbishkrimin e mungesës së konkurrencës.
Discussion about this post