Numri i viktimave nga shpërthimi i ditës së premte në hotelin luksoz në qendër të Havanës ka shkuar në 43, pasi një tjetër trup i pajetë është gjetur nga rrënojat mbrëmjen e djeshme.
Sipas Ministrisë së Shëndetësisë Kubane, bëhet me dije se nga shpërthimi janë plagosur 54 persona, 17 prej të cilëve po trajtohen në spital. Një rrjedhje gazi duket të jetë shkaku i tragjedisë së ndodhur në hotelin Saratoga.
Nga ana tjetër presidenti i Kubës shkoi në vendngjarje, në pjesën e vjetër të Havanës së bashku me kryeministrin Manuel Marero dhe kryetarin e parlamentit.
Kreu i shtetit përjashtoi hipotezën e një bombe duke e konsideruar një incident të rëndë tre katet e para ishin dhe ato që u dëmtuan më shumë.
Kujtojmë se ai ishte një hotel me pesë yje, Hotel Saratoga është një nga më luksozët në vend. I ndërtuar në një ndërtesë të stilit neoklasik në 1880 hoteli nisi punë në 1933-shin. Rikosntruksioni i tij më i fundit u bë në 2005-ën.
Discussion about this post